足球訪問 The Soccer Interview (Sep 1,
2000)
Q. 0係你0既足球生涯入面邊個時候係你0既高峰期同低潮期？
A. 直到而家高峰期應該係0係東方0個陣時。而低潮期就係第一年加入南華會時。因為0個陣時自己仲未成熟，同埋每次一有機會落場踢時發揮得唔係咁好。0個陣時球迷對我0既印象都唔係咁好，經常比人噓。
Q. 你而家0係南華會踢正選0既機會唔大，
比過去0係東方時仲少，你有冇諗過轉會呢？
A. 曾經有諗過，但係我覺得我0係南華會仲會有機會0既。我會繼續努力去爭正選。
Q. 0係球場上同你最合拍0既係邊個？
A. 其實每一個隊友都差不多。因為已經0係南華一段時間，所以大家都有一定0既默契。對每個隊友0既長處，短處都好熟悉。無論本地球員或者外援都係一樣。
Q. 你教練唔善長英文，都唔識得廣東話，
佢點樣同你0地溝通0架？
A. 無咩溝通0架！ 佢只係用身體語言同埋簡單0既英文0黎教我0地囉。但我0地都明白佢0既意思0既。
Q. 你對你自己0既球迷感覺係點樣呢？ 佢0地對你又有幾重要呢?
A. 佢0地對我非常重要。特別0係我低潮期無心機踢波時，知道有一班人默默咁樣支持自己，
會感到好開心同埋安慰。
Q. 除0左14 號之外，仲有用過咩野球衣號碼？
A. 好多！ 只係0係南華會都有三個， 包括2號，20號同埋14號。14號係我最鍾意0既。但係最初加入南華時0依個number已經有人用0左。直到一年之後先可以轉到。過去0係東方都用過8號同埋14號，8號都係我鍾意0既。
Q. 你認為今季南華0既成績會係點樣呢？
A. 我覺得都唔會太差。雖然鄭兆聰,亞拉烏蘇同埋康仔都離0左隊，但係我覺得其他球員都可以做到佢0地做得到0既野囉，
所以我覺得成績應該唔會太差。我相信會有能力去同其他人爭冠軍囉，咩野盃賽都係。
Q.
你對其他球隊，好似快譯通同愉園又點睇呢？
A. 快譯通D球員其實唔錯，但係唔知點解早兩年0既成績會咁囉。愉園方面，佢係一支好強0既球隊，早兩年都同南華爭得好勁。我覺得0依兩隊球隊今年對我0地0既威脅會好大囉。另外晨曦有四個外援0係中場，我諗佢地都係好強0既對手。
Q. 你覺得邊隊會拎聯賽冠軍？
A. 當然係南華喇！我都想自己球會贏！
Q. 你對今季甲組實施0既“主客制”
有咩野睇法呢？你認為咁樣可唔可以挽救球市？
A.
我自己就無太多意見。但我覺得如果一日內有兩場比賽0係唔同0既地方舉行，係行唔通囉。好似球迷0係青衣睇完一場，佢們好少會再去旺角繼續睇埋下一場比賽囉。但對我0黎講，我只係想做好自己0既本份就夠喇。如果想挽救球市，
賭波應該會幾好。 睇到其他0既國家，好似英國同意大利咁，
特別係英國，合法得來都好專業。如果跑馬無0左賭博成份，你估0下仲有冇人睇馬？馬迷去睇跑馬相信唔係為0左睇0下個騎司騎得好唔好！另外，賭波公司0既利潤，可以將部份分比球會，咁樣對球會0黎講都有益處。球會可以利用0依D額外0既收入0黎改善球會0既設備。其實而家最大問題係球會無收入，咁樣好難會再有人繼續搞波。
Q. 你對體測有咩意見？
A. 我就覺得無太大用處。存在0既問題好多。好似我0地需要用一個月0既時間0黎練跑，連練波0既時間都無。體測完再要重新投入練波，雙腳會好唔慣，需要兩至三個星期時間0黎練隊形，練技術。咁樣好浪費時間。無理由要為0個12分鐘
而練習成個月0架。我覺得體測唔係完全唔好，可以試0下比個別球會自己內部體測。好似如果教練覺得邊個球員體能差，佢大可以停止比0個個球員上場囉。如果認識足球，你應該都明白球場上面每一個位置0既踢法都唔同，所需要0既體能都唔一樣。好似有D人0既爆發力好，跑短距離快，0係比賽時都無咩0野問題，如果為0左跑唔完體測而禁止佢踢波咁實在太唔公平喇！
Q. 你對香港0既球証有咩意見？
A. 我覺得只有小部分0既球証唔夠經驗，當遇到一D突發0既事情佢0地都會唔識得去處理。有時每人0既動作都唔同，唔一定係犯規，球証應該有經驗去分辨。
Q。你有冇試過嚴重受傷呢？
A。好彩至到而家都仲未有。
但曾經有一次撞到隊友的膊頭時搞到鼻骨爆0左，需要做手術。
